Na Kisi Ki Aankh Ka Noor Hoon - نہ کسی کی آنکھ کا نور ہوں

کلام : بہادر شاہ ظفر - گلوکار : محمد رفیع 

نہ کسی کی آنکھ کا نور ہوں نہ کسی کے دل کا قرار ہوں

جو کسی کے کام نہ آ سکے ميں وہ اِک مُشتِ غُبار ہوں

نہ تو ميں کسی کا حبيب ہوں نہ تو ميں کسی کا رقيب ہوں

جو بگڑ گيا وہ نصيب ہوں جو اُجڑ گيا وہ ديار ہوں

ميرا رنگ روپ بگڑ گيا ميرا يار مجھ سے بچھڑ گيا

جو چمن خزاں سے اُجڑ گيا ميں اُسی کی فصلِ بہار ہوں

پئے فاتحہ کوئی آئے کيوں کوئی چار پھول چڑھائے کيوں

کوئی آ کے شمع جلائے کيوں ميں وہ بيکسی کا مزار ہوں 

Poet: Bahadar Shah Zafar - Singer: Muhammad Rafi